খেরোয়াল মহলরে হৗন্ডি পৗউরৗ রেয়াঃ বৗড়িজ অর্শং বাবদতে বিজনৗও কাতেৎ অল সদর হোয় এনা লাতার রে
সাস্রায় মেন এদা মৗনমি দবোন মিৎ গেয়া আর শিশির জৗও ইজ মৗনমি জৗতি মেনতে বার হড় সির্জন কেৎ কিনা । আদোমদ কড়া হপন আদমদ কুড়ি হপন উনকিন আদোমদ পিলচু হারাম , পিলচু বুডিগে উনকিন রেন বংশ ধরগে আবো মৗনমি দ নওয়া ধৗরতি রেয়াঃ কচা অনটবন পেরেজ আকাদা, তবে জায়গা জায়গা রেয়াঃ হয় সিতুং দাঃ আর জুম ঞু রেয়াঃ গুন লেকাতে মৗনমিয়াঃ রং চেহরা গুন,অৗখিল দাড়ে ভেগারানা তবো মৗনমি দবোন মিৎ গেয়া ,আর শিশিরজৗও ইজ হয় মিৎকান গেয়া, শিশিরজৗও ইজ বায় মেন আকাদ বনা। তওয়া দাহে গুড়গতম জম মে ,নুইদ হৗন্ডি পৗউরৗ য় ঞুয়া ,হানিদ অলঃ পাড়হাও চেদ কাতে পন্ডিত আঃ র নুইদ মুরুক গে তাহেন মা ।শিশিরজৗও ইজ দ নওয়া ধৗরতি রে মৗনমি রাপতে ভেজা আকাদ বনা যাতে ধরম চেতান রে পৗতিয়ৗও দহ কাতে বোগেয়াঃ কৗমিরে সায় এম কাতে ,আর বৗড়িজাঃ দ সাহা সৗগিঞ কাতে ধৗরতি রে বাঞ্চাওবন তাহেন মা। মেনখান আবো খেরোয়াল বিরৗদৗলি রেন মানওয়া কদো শিশিরজৗও ইজ আঃ অনা কাথাক ক বাং দিসৗ কাতে সৗরি আর ধরম রেয়াঃ কাথাকবন হিরিঞ সৗরিয়েদা। আর হৗন্ডি পৗউরৗ রেয়াঃ বে হিসৗব ব্যবহারতে সমাজ রেয়াঃ আয়মা লেকান এটকেটড়ে রেয়াঃ সামাংদাপরাম হোয়োঃ কান তাবোনা,নওয়া হৗন্ডি পৗউরৗ খৗতির গে কৗইজৗ খৗপৗরি খন এতহব কাতেৎ অসময়রে আয়মা যুয়ৗন কড়া কওয়া জিওয়ি হঁ নাসাঃ কান গেয়া ।
খেরওয়াল সাঁওতা রেয়াঃ পাতাছাতা মানে গে রৗস্কৗ রেয়াঃ মুচৗদ বৗনুঃ আ, আর অনা পাতাছাতা রেয়াঃ মিৎ কড়িজ জিনিস দ হোয়োঃ কানা ,নওয়া হৗন্ডি পৗউরৗ গে সৗরি গে হাট হোয়োঃ সে পাতাছাতা হোয়োঃ সান্তাড় দ হৗন্ডি পৗউরৗ রে জবে আর জবে রেগে অনা ঞেলতে দেকো দ কো লান্দা আবন কানা গেয়া । নংকা হো ঞেলোঃ কানা হাট সেন কাতে হাট ঞুতুম তে অড়াঃ খন কৗওডি হাতাও কাতে হৗন্ডি পৗউরৗ ঞু কাতে বুল তহেল কঃআ। আর নাতে অড়াঃ হড় দ হাট সেনকানে উনি হড় কয়গ হররে তাহেনা। নাসে উইহৗর রেনাঃ কাথাদো নওয়া গে নংকাতেদো সান্তাড় চিকৗতেবন উৎনৗঃ আ। সান্তাড় দ কম বেশি চৗকরি দবোন ঞাম আকাদ গেয়া মেনখান আয়মা সান্তাড় গে হৗন্ডি পৗউরৗ রেয়াঃ নওয়া বেবৗড়িজ ব্যবহার দান আপনারেৎ গেয়া।
আর হঁ রেনাঃ কাথাদ মেমেনগে বাং গানোঃ আ। নওয়া মড়ে সিঞমড়ে ঞিদৗ হৗন্ডি পৗউরৗ ছাডা গে বাং গানো আ। নওয়া মড়ে সিঞ মড়ে ঞিদৗ রে হৗন্ডি পৗউরৗ আর জম ঞু বেগর এটাঃ জাহান কৗমিদ বাংক কৗমিয়া। আরহঁ অকয় কদোকো ঞেল আকানা তওয়া ঞু গিদরৗ হঁ হেম হবর কাতে হৗন্ডি ক ঞুয়া। আর হেম হবর গিদরৗ হয় চেপেজ আয় কান গেয়া। নওকা কাতে গিদরৗ পিদরৗবন সেড়া আকো কান কানা ইংরেজিতে মিৎটাং কাথাকো মেন আকাদা Like aither like son নওয়া কাথারে জোর এম লৗগিতে মেন গানোঃ আ যে সাঁওতারে ঞেলঃ কান গেয়া যাহা অড়াঃ রেন হাপড়াম ক হৗন্ডি পৗউরৗ চুটি থামাকুর বাংক ব্যবহারা অনাক অড়াঃ রেন গিদরৗ কহো অনাক রেয়াঃ ব্যবহার কদো বাংক সেড়ায়া।
আকোদো হৗন্ডি পৗউরৗ চেতানরে বৗড়িজ ব্যবহারগে বৗড়তি ইদিঃ কানা অনাতে অক্ত রেয়াঃ নাগাম দ তিসহঁ বায় ইকৗ বনা। বাংবন সেরা লেদা হৗন্ডি পৗউরৗ ঞুঞু আর বাংবন বাডায় লেদা হৗন্ডি পৗউরৗ রেয়াঃ ব্যবহার দোষ দ আবওয়াঃ কান গেয়া, হৗন্ডি পৗউরৗ দ সেদায় সৎযুগ খনগে মেনাঃআ হাপড়াম কওয়াঃ কাথা কবোন সাব উরিজ আকাদা। মেনকান উরিজদ বাং বৗড়িজ আ। অনা রেয়াঃ মর্ম বুঝৗও লৗক্তি কানা। বাং বুঝৗও কাতেদ বোন সাব উরিজ আকাতে হৗন্ডি পৗউরৗ আবো চেতান রে বৗড়িজ এ কৗমি কানা। বাংখান নওয়া দ আবোয়াঃ সামড়াও সুমুং কানে গেয়া। হৗন্ডি পৗউরৗ তেবন বৗওলিঃ কনো হৗন্ডি পৗউরৗ দ বাংবন লাগা ঞির লেদেয়া।
দিসম জৗতি তালারে একেন আবোগে যে হৗন্ডি পৗউরৗ বন ঞুয়া নওয়া কাথা দ বাং কানা। মেনখান উৎনৗউ আকনে এটাঃ জৗত কদো সামড়াও সুমুং গে ক ব্যবহারা। দিশম জৗতি তালারেবন ঞেল ঞামোঃ কান গেয়া যে, সুড়ি মেনতে মিৎটাং গুষ্টি দ হৗন্ডি পৗউরৗ কারেবার কাতে আকোয়াঃ সংসারক হেরাও উতৗর রাকাদা। উকুর ওনকোঠেনদ হৗন্ডি পৗউরৗ বায় বৗড়িজ লেনা। নওয়া কুকলিদ সামাং রে অৗডি আলগাতেগে রাকাব কানা। মেনকান সৗরি কাথো গেতো হড় হপন কওয়া নওয়া হৗন্ডি পৗউরৗ আবো জৗতি তালারে চিকৗতে নুনৗঃ বৗরিজ আ ??? সেঁদায় রাজ রাপাজ কহোতো হৗন্ডি পৗউরৗ ঞু কাতে দিশম হড় চেতান রাজ পাঠক কায়েম আকাদ তাহে কানা। এন্ডেখান বাডায় কানা যে হৗন্ডি পৗউরৗ দ বাং বৗড়িজ আ। বৗড়িজ দ আবোগে।
সান্তাড় সাঁওতা রেয়াঃ জানাম খন গুজুঃ হৗবিজ সানাম লেকান লাকচার রেগে সানাম লেকান বঁগা রেগে হৗন্ডি পৗউরৗ রেনাঃ চল দ মেনাঃ গেয়া। লৗক্তি পাড়াও রে নওয়া কো রেয়াঃ ব্যবহারদ দ সামড়াও সুমুং গে হোয় লৗক্তি কানা। তেহেঞ দ আবো হড় হপন হড় জৗতি তালারে হৗন্ডি পৗউরৗ সামড়াও কাতে ব্যবহার রেয়াঃ যুগ হেজ আকানা আথাওড়ি গে হৗন্ডি পৗউরৗ বন ব্যবহার লেখান ধৗরতি রেন এটাঃ জৗতি খন দ তায়ম রেগে বন তাহেনা। দিসৗ দহয়াবন যাহান বিশেষ কৗমি কাজ ছারা আথাওড়ি হৗন্ডি পৗউরৗ বাংবন ব্যবহারা।
Comments
Post a Comment