টুডু আর বেঁসরা কওয়াঃ কৗইজৗ কাথা | tudu ar besra kaija katha
টুডু আর বেঁসরা কওয়াঃ কৗইজৗ কাথা গায়ান লেকাতে অলমে- ছতর পতি কিস্কু রাজ গায়ান দ মৗনতান সাম সুন্দর হেম্ব্রম গংকে গাবান আকাদা। নওয়া গায়ান তলাতে অনলিয়ৗ গংকে অৗদ নাংরে চৗই,চাম্পা,চিরু,মান্ডে রায়গাড় ক চিকৗ লেকারে ধাসাও লেনা অনা রেনাঃ জেওয়েৎ চিতৗর গে সামাং আকাদা। নিত হৗবিতে আব সানাম গে বন বাডায়,টুডু আর বেঁসরা পৗরিস রে হড় দ বাপ্লা সৗগৗয় তে বাং ক তপল অ-আ।মেনখান চেৎ কৗইজৗ টুডু আর বেঁসরা হড় ক তালা রে সিরচৗও লেনা। জাহা খৗতির নিত হৗবিজতে নওয়া কিন পৗরিস রেন হড় দ বাপলা সৗগৗয় তে বাং ক তপল অ-আ স্যেঁ বাং ক পেড়া আ। অনা রেনাঃ মিৎ ঘটনা কাথা গে অনলিয়ৗ গংকে নওয়া গায়ান রে চাঁরে আকাদা। বেঁসরা পৗরিস রেন হড় ক দ "চৗই গাড়" তাঁহে কান তাকয়া, নওয়া চৗয় গাড়রে বেঁসরা ক দ দিনৗম গে রৗস্কৗ রমজ লৗগিত লাঁগড়ে এনেজ সেরেঞ আঁখরা ক জড়াও তাঁহে,বেঁসরা কওয়া নওয়া রৗস্কৗ ঞেলতে সুর সুপুর গাড় রেন আয়ম হড় নওয়া এনেজ সেরেঞ ঞেল লৗগিত ক হিজুঃ তাঁহে। অনকাগে মিৎদিন ছতর পতি কিস্কু রাজ হপন- বৗবুরায় আর আজরেন গাতে মাডে রায় তাকিন নওয়া চৗয় গাড় তেকিন হেজলেন রে বির বিক্রম বৗহু গৗউচ খৗতির বৗবুরায় দ লুতুর এ পেটের হচলেনা। বৗবুরায় অনা লুটুর পেটে...
