কুদুম মেনতে চেৎ এম বুঝৗও আ | কুদুম এ্যতহব মাড়াং রে কুড়িৎ কুড়িৎ চেৎদাঃ ক মেন আ |
আতো অড়াঃ রে সিগৗড় বেড়া জাহা কুকলি তেলা আঁখড়া রে , কুকলি দ সহজ তে বাং মেন কাতেৎ আপাল হেৎ তে গাবান আতাৎ আর অনা রেনাঃ তেলা দ উপুরম সাতাপ খনাঃ গে ঞাম আ। নংকা আপাল হেদ গাবান কুকলি গে গে কুদুম বন মেতাঃ কানা।
পৗহিল বিদৗল রে মৗনমি বির-বুরু রে সেঁন্দার ক চালাঃ তাহেজ।সেঁন্দার খন রুওয়ৗড় কাতেৎ বাংখান দিনাম আন কৗমি কৗসনি তায়ম সিগৗড় বেড়া হুডিঞ হুদিঞ গিদরৗ ক আতেৎ আঁখিল রেনাহ সে বুদ্ধ রেনাঃ হেপরাও ক এ্যতহব আ।নওয়া হেপরাও গে কুদুম ক মেতাঃ কানা।
কুদুম এ্যতহব মারাং রে কুদুম লৗই তেনিজ মেন আ- কুদুম রে কুড়িজ কুড়িজ, নওয়া রেয়াঃ মেনেত দ কুড়িজ জে লেকা যাহা তিনৗঃ চেতান রে উডৗঃ রে হঁ উনিয়াঃ নজর দ জম আ সেদ গে তাঁহেন তায়া।জম আ মেনদ গুডু কুলৗয় সিম হপন এমান ঞেলঞাম লে ক কান আজ্ কাগে উডৗও হেজ কাতেৎ উনকু জিয়ৗলি ক হালো ইদি ক-আ। ঠিক আন কাগে কুদুম আজম তেন কওয়াঃ মনে হঁ,অনা কুকলি চেতান রে বিদ কওয়া,কুদুম দ জাহা তিনৗঃ আজ্ পাজতে, এসেদ তাঁহেন রেহঁ আকো মনে দ তেলা এ্যম রেনাঃ গে ক রিকৗ আ। কুড়িজ যেলেকা জম আ পাঞ্জা আ। অনকাগে কুদুম আজম তেন ক তেলা ক পাঞ্জা আ। কুদুম তালাতে হঁ কুকলি তেলা রেনাঃ হেপরাও ক দহয়া। অকয় মারাং লৗই দাঁড়ে-আ। কুড়িৎ লেকাগে মৗনমি হঁ আজ্ বুদ্ধি তালা তে কুদুম রেনাঃ লৗনায়(তেলা) ক পাঞ্জা লৗগিত তে কুদুম এ্যতহব মারাং ( কুদুম রে কুড়িৎ কুড়িৎ ক মেন-আ। )
সানতাড়ি কুদুম ক কৗটিজ খন্দরং লেখান বাডায় ঞাম আ নওয়া কুদুম দ অৗডি তেদ গে সবমে আ, অনকাগে মেনেৎ হঁ অৗডি গৗহির আ।
কাথা রেনাঃ গাগাঃ-গাবান আর কুদুম লৗই রে নাঃ ধারা সাঁওহেৎ রাসা অৗডি তেদ গে জমকরচ আ। কুদুম দ সানতাড় হপন কওয়াঃ জিয়ন রেনাঃ হুডিঞ গঠন পরে খন তুমৗল কাতেৎ গাগাঃ- গাবান আকানা,ঝতখন বৗড়তি সৃজন খনগে দৗয়কৗ কদ তুমৗল হোয়োঃ কানা। ইনা তায়ম ধৗরতি রেন জিব-জিওয়ৗলি কঠেন খন দৗইকৗ তুমৗল আকানা। মৗনমি কওয়া দিনাম জিয়ন রেনাঃ কৗমি কৗসনি খন হামেট আকান আঁখিল গেয়ান কুদুম রেনাঃ রুপ এম কাতেৎ নেঁহড় ঠেন রমজ সৗহিজ রিকৗ হোয় আকানা।
অনাতে কুদুম রে নেঁহড় কওয়া কৗমি কৗসনি সাঁও জপরাও মেনাহ কাথা ক কুদুম রে ঞামা। নওয়া কুদুম রে সানতাড় হপন কওয়া জিয়ন অৗখি রেনাঃ মিৎ ফারচা-ফারচি চিতৗর গে ঞেল-ঞামা।
Comments
Post a Comment